Jetzt Neu!

D'Zäit vergeet an heinsto muss een en neie Film dramaachen. Et war Zäit ginn. Net ganz ouni Stolz bidden ech Iech den neien Design un. E kënt fräihaus mat neiem Header, neiem Numm, engem Editorial an enger winzeger News-Box. Wat een lo neméi hei gesäit, dat si Bord'en; déi brauche mer net. De Blog ass quasi borderless ginn. Ausserdeem vill méi breed, ganzer 200px. Wat bleiwt ass d'lëtzebuergësch Sprooch (iergendwéi ironësch). Och wann se net oft eng Roll spillt hei um Blog, sou wëll ech awer méng Plaz als éischte lëtzebuerger Photoblog net opginn, d'Photoe si jo emsou méi international.

Ech wëll och nach bei där Geleenheet Merci soen dass der kucke kommt. Ech si, ganz éierlech, frou doriwwer an drécken dat einfach mat engem kuerze Merci aus, wat soll ech och soss nach soen?

Wéi et den Zoufall wëll ass haut och den zweete Gebuertsdag vu Pianocktail, méng Gléckwënsch op dëser Plaz, ëmmer weider sou! A wa mer schon derbäi sinn, fir déi ganz wéineg déi se nach net kennen, gidd dach mol bei de Räissverschloss kucken, oder bei de Betz, déi wessen och wat se maachen.

Sou, den neie Film ass dran an ech hunn alles gesot, ech hoffen d'Photoe gefalen an ech hoffen dir hudd an de läschten 17 Méint eng Evolutioun gesinn, mir ass se net entgaang an ophale wärt se sëcher net. Et gëtt nach vill besser ier et méi schlecht gëtt.

Vive di aal Schoul!
Vive den Zelluloid!
Vive d'lëtzebuerger Weblogs!